Chapters

Prev Next

40 - 1

Ny-sodjey, dreggyr y Chiarn Job, as dooyrt eh,

Moreover the Lord answered Job, and said,
40 - 2

Jean eshyn ta streeu rish yn Ooilley-niartal goaill er dy ynsaghey eh? eshyn ta geddyn foill rish Jee, lhig da gansoor er y hon.

Shall he that contendeth with the Almighty instruct him? he that reproveth God, let him answer it.
40 - 3

Eisht dreggyr Job y Chiarn, as dooyrt eh,

Then Job answered the Lord, and said,
40 - 4

Cur-my-ner, ta mee my chretoor treih; cre t'aym dy reggyrt? lhie-ym my laue er my veeal.

Behold, I am vile; what shall I answer thee? I will lay mine hand upon my mouth.
40 - 5

Keayrt ta mee er loayrt, agh cha jeanym freggyrt; dy jarroo, daa cheayrt, agh cha jem lesh ny-sodjey.

Once have I spoken; but I will not answer: yea, twice; but I will proceed no further.
40 - 6

Eisht dreggyr y Chiarn Job ass y gheay-chassee, as dooyrt eh,

Then answered the Lord unto Job out of the whirlwind, and said,
40 - 7

Kiartee seose dty veeghyn nish myr dooinney: feysht-ym oo, as soilshee uss dooys.

Gird up thy loins now like a man: I will demand of thee, and declare thou unto me.
40 - 8

Jean uss myrgeddin my vriwnys dy ve dyn bree? jean oo mish y gheyrey, dy vod oo-hene ve er dty heyrey?

Wilt thou also disannul my judgment? wilt thou condemn me, that thou mayest be righteous?
40 - 9

Vel roih ayd's myr t'ec Jee? er-nonney vod oo taarnaghey lesh dty choraa gollrishyn?

Hast thou an arm like God? or canst thou thunder with a voice like him?
40 - 10

Coamree nish oo-hene lesh ard-ooashley as ooilley-niartalys; as soie oo-hene magh lesh gloyr as aalid.

Deck thyself now with majesty and excellency; and array thyself with glory and beauty.
40 - 11

Skeayl mygeayrt-y-mood eulys dty yymmoose; as cur-my-ner dy chooilley hranlaasagh, as lhieg eh.

Cast abroad the rage of thy wrath: and behold every one that is proud, and abase him.
40 - 12

Jeeagh er dy chooilley vooaralagh, as cur eh sheese dy injil; cur ny mee-chrauee fo-chosh ayns nyn gummal.

Look on every one that is proud, and bring him low; and tread down the wicked in their place.
40 - 13

Follee ad ayns y joan dy cheilley, as coodee nyn eddin ayns dorraghys.

Hide them in the dust together; and bind their faces in secret.
40 - 14

Eisht neem's myrgeddin goaill rhyt dy vod dty laue yesh hene oo y hauail.

Then will I also confess unto thee that thine own right hand can save thee.
40 - 15

Cur-my-ner nish Behemoth, ta mee er chroo mayrt; t'eh gee faiyr myr dow.

Behold now behemoth, which I made with thee; he eateth grass as an ox.
40 - 16

Cur-my-ner nish, ta'n niart echey ayns e veeghyn, as e vree ayns imleig e volg.

Lo now, his strength is in his loins, and his force is in the navel of his belly.
40 - 17

T'eh troggal e amman myr billey-cedar: ta fehyn e veeghyn er ny sniemmey cooidjagh.

He moveth his tail like a cedar: the sinews of his stones are wrapped together.
40 - 18

Ta e chraueyn lajer myr prash, as e asnaghyn myr barryn yiarn.

His bones are as strong pieces of brass; his bones are like bars of iron.
40 - 19

T'eh unnane jeh ard-obbraghyn Yee: cha vod agh cliwe yn Er-croo cheet er-gerrey da.

He is the chief of the ways of God: he that made him can make his sword to approach unto him.
40 - 20

Son shickyrys ta ny sleityn gymmyrkey magh beaghey da, raad ta ooilley maase y vagher goaill nyn soylley.

Surely the mountains bring him forth food, where all the beasts of the field play.
40 - 21

T'eh lhie fo scadoo ny biljyn, fo coodagh yn chuirtlagh as ny curreeyn.

He lieth under the shady trees, in the covert of the reed, and fens.
40 - 22

T'eh lhie fo scaa ny biljyn choo; ta shellagh ny strooanyn son fastee da.

The shady trees cover him with their shadow; the willows of the brook compass him about.
40 - 23

Cur-my-ner, t'eh giu seose awin ec e chaa: er-lesh hene dy vod eh Jordan y lhuggey seose lesh e veeal.

Behold, he drinketh up a river, and hasteth not: he trusteth that he can draw up Jordan into his mouth.
40 - 24

T'eh goaill eh lesh e hooillyn: as lesh e chab t'eh brishey trooid ribbaghyn.

He taketh it with his eyes: his nose pierceth through snares.