• Home
• Search
• Browse

Chapters

Prev Next

• 34 - 1
  Ver-yms dy kinjagh booise da'n Chiarn: bee e voylley dy bragh ayns my veeal.
  I will alway give thanks unto the Lord: his praise shall ever be in my mouth.
• 34 - 2
  Bee m'annym boggyssagh ayns y Chiarn: nee'n sleih imlee clashtyn jeh shen, as bee ad gennal.
  My soul shall make her boast in the Lord: the humble shall hear thereof, and be glad.
• 34 - 3
  O moylley-jee yn Chiarn marym: as lhig dooin ard-voylley 'choyrt da'n Ennym echey ry-cheilley.
  O praise the Lord with me: and let us magnify his Name together.
• 34 - 4
  Hirr mee yn Chiarn ayns padjer, as cheayll eh mee: as ren eh m'y livrey veih ooilley my aggle.
  I sought the Lord, and he heard me: yea, he delivered me out of all my fear.
• 34 - 5
  Yeeagh ad seose huggey, as hooar ad soilshey: as cha row ny eddinyn oc naaragh.
  They had an eye unto him, and were lightened: and their faces were not ashamed.
• 34 - 6
  Cur-my-ner, ta'n boght geamagh, as ta'n Chiarn clashtyn eh: dy jarroo, as t'eh sauail eh ass ooilley e heaghyn.
  Lo, the poor crieth, and the Lord heareth him: yea, and saveth him out of all his troubles.
• 34 - 7
  Ta ainle y Chiarn freayll arrey mygeayrt-y-moosyn ta goaill aggle roish: as dy livrey ad.
  The angel of the Lord tarrieth round about them that fear him: and delivereth them.
• 34 - 8
  O blasht-jee, as jeeagh jee, cre cha graysoil ta'n Chiarn: bannit yn dooinney ta coyrt e varrant ersyn.
  O taste, and see, how gracious the Lord is: blessed is the man that trusteth in him.
• 34 - 9
  O gow-jee aggle roish y Chiarn, shiuish e nooghyn: son adsyn ta goaill aggle roish cha bee nhee dy laccal orroo.
  O fear the Lord, ye that are his saints: for they that fear him lack nothing.
• 34 - 10
  Ta ny lionyn ayns feme, as gennaghtyn accyrys: agh adsyn ta shirrey yn Chiarn, cha bee ad laccal nhee erbee dy vel mie.
  The lions do lack, and suffer hunger: but they who seek the Lord shall want no manner of thing that is good.
• 34 - 11
  Tar-jee, shiuish chloan, as eaisht-jee rhym: ynsee-yms diu aggle y Chiarn.
  Come, ye children, and hearken unto me: I will teach you the fear of the Lord.
• 34 - 12
  Quoi'n dooinney eh ta aignagh dy ve beayn: as baillish laghyn mie y akin?
  What man is he that lusteth to live: and would fain see good days?
• 34 - 13
  Smaght dty hengey veih olk: as dty veillyn nagh loayr ad foalsaght erbee.
  Keep thy tongue from evil: and thy lips, that they speak no guile.
• 34 - 14
  Shaghyn dagh olk, as jean dy mie: shir lurg shee, as cur eh er y hoshiaght.
  Eschew evil, and do good: seek peace, and ensue it.
• 34 - 15
  Ta sooillyn y Chiarn harrish y sleih cairal: as ta ny cleayshyn echey foshlit gys nyn badjeryn.
  The eyes of the Lord are over the righteous: and his ears are open unto their prayers.
• 34 - 16
  Ta eddin y Chiarn noi ocsyn ta jannoo olk: dy chur ass ny fraueyn yn chooinaghtyn oc veih eaghtyr y thallooin.
  The countenance of the Lord is against them that do evil: to root out the remembrance of them from the earth.
• 34 - 17
  Ta'n sleih cairagh jannoo aghin, as ta'n Chiarn cur clashtyn daue: as dy livrey ad ass ooilley nyn seaghyn.
  The righteous cry, and the Lord heareth them: and delivereth them out of all their troubles.
• 34 - 18
  Ta'n Chiarn er-gerrey dauesyn ta jeh cree brisht: as sauee eh nyn lheid as ta jeh spyrryd imlee.
  The Lord is nigh unto them that are of a contrite heart: and will save such as be of an humble spirit.
• 34 - 19
  S'mooar ta seaghyn y fer-cairal: agh ta'n Chiarn cur feaysley da assdoo ooilley.
  Great are the troubles of the righteous: but the Lord delivereth him out of all.
• 34 - 20
  T'eh coadey ooilley e chraueyn: myr shen cha vel unnane jeu er ny vrishey.
  He keepeth all his bones: so that not one of them is broken.
• 34 - 21
  Agh nee lhag-haghyrt stroie ny mee-chrauee: as adsyn ta cur dwoaie da'n sleih ynrick, hig y chragh orroo.
  But misfortune shall slay the ungodly: and they that hate the righteous shall be desolate.
• 34 - 22
  Ta'n Chiarn cur feaysley da anmeenyn e harvaantyn: as adsyn ooilley ta cur nyn marrant ersyn, cha bee ad er nyn dreigeil.
  The Lord delivereth the souls of his servants: and all they that put their trust in him shall not be destitute.

© Culture Vannin