• Home
• Search
• Browse

Chapters

Prev Next

• 45 - 1
  Ta my chree smooinaghtyn dy dowin er cooish vie: Ta mee goaill lesh bingys ny arraneyn ta mee er n'yannoo mychione y ree.
  My heart is inditing of a good matter: I speak of the things which I have made unto the King.
• 45 - 2
  Ta my hengey myr fedjag-screeuee: yn scrudeyr tappee.
  My tongue is the pen: of a ready writer.
• 45 - 3
  T'ou ny s'aalin na cloan gheiney: lane dy ghrayse ta dty veillyn, er-y-fa dy vel Jee er dty vannaghey son dy bragh.
  Thou art fairer than the children of men: full of grace are thy lips, because God hath blessed thee for ever.
• 45 - 4
  Kiangle dty chliwe gys dty lheayst, O uss smoo niartal: cordail rish dty ooashley as dty ghloyr.
  Gird thee with thy sword upon thy thigh, O thou most mighty: according to thy worship and renown.
• 45 - 5
  Aigh mie dy row lhiat lesh dty ooashley: markee er dty hoshiaght, er coontey yn goo dy firrinys, dy veenid, as dy chairys; as nee dty laue yesh reddyn atchimagh y ynsaghey dhyt.
  Good luck have thou with thine honour: ride on, because of the word of truth, of meekness, and righteousness; and thy right hand shall teach thee terrible things.
• 45 - 6
  Ta dty hideyn feer virragh, as bee'n pobble er nyn injillaghey hood's: hed dty hideyn trooid cree noidyn y ree.
  Thy arrows are very sharp in the heart of the king's enemies: and the people shall be subdued unto thee.
• 45 - 7
  Ta dty stoyl, O Yee, farraghtyn son dy bragh: ta lorg-reill dty reeriaght lorg reill chairagh.
  Thy seat, O God, endureth for ever: the sceptre of thy kingdom is a right sceptre.
• 45 - 8
  T'ou er choyrt graih da cairys, as feoh da mee-chairys: shen-y-fa ta Jee, dy jarroo yn Jee ayds, er dt' ooillaghey lesh yn ooil dy yennallys erskyn dty heshaghyn.
  Thou hast loved righteousness, and hated iniquity: wherefore God, even thy God, hath anointed thee with the oil of gladness above thy fellows.
• 45 - 9
  Ta ooilley dty gharmadyn soaral jeh myrrh, aloes, as cassia: magh ass ny plaaseyn ivory, lhien t'ad er dty yannoo gennal.
  All thy garments smell of myrrh, aloes, and cassia: out of the ivory palaces, whereby they have made thee glad.
• 45 - 10
  Va inneenyn reeaghyn mastey dty vraane ooasle: er dty laue yesh hass y ven-rein ayns coamrey d'airh, obbrit mygeayrt lesh caghlaaghyn daah.
  Kings' daughters were among thy honourable women: upon thy right hand doth stand the queen in a vesture of gold, wrought about with divers colours.
• 45 - 11
  Clasht, O inneen, as smooinee ort, croym dty chleaysh: jarrood myrgeddin dty phobble hene, as thie dty ayrey.
  Hearken, O daughter, and consider, incline thine ear: forget also thine own people, and thy father's house.
• 45 - 12
  Myr shen bee taitnys ec y ree ayns dty aalid: son eshyn y Chiarn dty Yee, as cur uss ooashley da.
  So shall the King have pleasure in thy beauty: for he is thy Lord God, and worship thou him.
• 45 - 13
  As bee inneen Tyre ayns shen lesh gioot: myr nee ny berchee myrgeddin mast yn pobble nyn aghinyn y yannoo kiongoyrt rhyt.
  And the daughter of Tyre shall be there with a gift: like as the rich also among the people shall make their supplication before thee.
• 45 - 14
  Ta inneen y ree ooilley gloyroil er cheu-sthie: ta'n coamrey eck dy airh obbrit.
  The King's daughter is all glorious within: her clothing is of wrought gold.
• 45 - 15
  Bee ee er ny choyrt lh'ee gys y ree ayns garmad dy obbyr snaidey: hig ny moidynyn ta fieau urree ayns dty enish.
  She shall be brought unto the King in raiment of needle-work: the virgins that be her fellows shall bear her company, and shall be brought unto thee.
• 45 - 16
  Lesh boggey as gennallys hig ad maree: as hed ad stiagh ayns plaase y ree.
  With joy and gladness shall they be brought: and shall enter into the King's palace.
• 45 - 17
  Ayns ynnyd dt'ayraghyn bee ayd cloan: ad oddys oo y yannoo princeyn ayns dy chooilley heer.
  Instead of thy fathers thou shalt have children: whom thou mayest make princes in all lands.
• 45 - 18
  Cooin-yms er dt'ennym veih sheeloghe gys sheeloghe: shen-y-fa ver y pobble booise dhyt, seihll gyn jerrey.
  I will remember thy Name from one generation to another: therefore shall the people give thanks unto thee, world without end.

© Culture Vannin