Chapters

Prev Next

83 - 1

Ny jean dty hengey y chummal, O Yee, ny bee kinjagh dty-host: ny freill dty chooney voin, O Yee.

Hold not thy tongue, O God, keep not still silence: refrain not thyself, O God.
83 - 2

Son cur-my-ner, ta dty noidyn baggyrt dy ard: as t'adsyn ta feoh oc orts er droggal seose nyn ghing.

For lo, thine enemies make a murmuring: and they that hate thee have lift up their head.
83 - 3

T'ad er ghoaill smooinaghtyn croutagh noi dty phobble: as er chur nyn goyrle dy cheilley noi dty chloan chasherick.

They have imagined craftily against thy people: and taken counsel against thy secret ones.
83 - 4

T'ad er ghra, Tar-jee, as lhig dooin ad y astyrt ass ny fraueyn, nagh bee ad arragh nyn bobble: as nagh bee ennym Israel ny sodjey ayns cooinaghtyn.

They have said, Come, and let us root them out, that they be no more a people: and that the name of Israel may be no more in remembrance.
83 - 5

Son t'ad er chur nyn ghing cooidjagh lesh un aigney: as er n'yannoo conaant cooidjagh dt'oi's;

For they have cast their heads together with one consent: and are confederate against thee.
83 - 6

Cabbaneyn ny Edomiteyn, as ny Ishmaeliteyn: ny Moabiteyn, as ny Hagareneyn;

The tabernacles of the Edomites, and the Ishmaelites: the Moabites and Hagarens;
83 - 7

Gebal, as Ammon, as Amalek: ny Philistinee, marish cummaltee Tyre.

Gebal, and Ammon, and Amalek: the Philistines, with them that dwell at Tyre.
83 - 8

Ta Assur neesht er hassoo lhieu: as er chooney lesh cloan Lot.

Assur also is joined with them: and have holpen the children of Lot.
83 - 9

Agh jean uss roosyn myr rish ny Madianiteyn: rish Sisera, as rish Jabin ec awin Kison;

But do thou to them as unto the Midianites: unto Sisera, and unto Jabin at the brook of Kison;
83 - 10

Va er nyn stroie ec Endor: as haink dy ve myr eoylley er y thalloo.

Who perished at Endor: and became as the dung of the earth.
83 - 11

Jean uss adsyn as ny princeyn oc gollrish Oreb as Zeb: dy jarroo jean ooilley ny princeyn oc myr Zeba as Salmana;

Make them and their princes like Oreb and Zeb: yea, make all their princes like as Zeba and Salmana;
83 - 12

Ta gra, Lhig dooin goaill dooin hene: thieyn Yee son spooilley.

Who say, Let us take to ourselves: the houses of God in possession.
83 - 13

O my Yee, cur orroo dy ve myr queeyll: as myr coau roish y gheay;

O my God, make them like unto a wheel: and as the stubble before the wind;
83 - 14

Naght myr ta'n aile lostey seose yn cheyll: as myr ta'n lossey lommey ny sleityn.

Like as the fire that burneth up the wood: and as the flame that consumeth the mountains.
83 - 15

Eiyr ad er yn aght cheddin lesh dty ghoirrin: as jean ad agglagh lesh dty sterrym.

Pursue them even so with thy tempest: and make them afraid with thy storm.
83 - 16

Jean yn eddin oc y choodaghey lesh nearey, O Hiarn: dy vod ad shirrey dty ennym.

Make their faces ashamed, O Lord: that they may seek thy Name.
83 - 17

Lhig daue ve er nyn goyrt naardey as seaghnit dy bragh ny smoo as ny smoo: lhig daue ve er nyn goyrt gys nearey, as cherraghtyn.

Let them be confounded and vexed ever more and more: let them be put to shame, and perish.
83 - 18

As bee fys oc, dy nee uss ta'n ennym ayd Jehovah: yn ynrycan Er smoo syrjey harrish ooilley yn seihll.

And they shall know that thou, whose Name is Jehovah: art only the most Highest over all the earth.