• Home
• Search
• Browse

Chapters

Prev Next

• 89 - 1
  Bee m'arrane kinjagh jeh kenjallys-ghraihagh y Chiarn: lesh my veeal beem's dy bragh soilshaghey dt'irriney veih un sheeloghe gys sheeloghe elley.
  My song shall be alway of the loving-kindness of the Lord: with my mouth will I ever be shewing thy truth from one generation to another.
• 89 - 2
  Son ta mee er ghra, Bee myghin er ny hoiaghey seose son dy bragh: dt irriney nee oo y hickyraghey ayns ny niaughyn.
  For I have said, Mercy shall be set up forever: thy truth shalt thou stablish in the heavens.
• 89 - 3
  Ta mee er yannoo conaant rish my er-reiht: ta mee er vreearrey da David my harvaant
  I have made a covenant with my chosen: I have sworn unto David my servant;
• 89 - 4
  Dty luight's neem's y hickyraghey son dy bragh: as dty stoyl-reeoil y hoiaghey seose veih sheeloghe gys sheeloghe.
  Thy seed will I stablish for ever: and set up thy throne from one generation to another.
• 89 - 5
  O Hiarn, nee ny niaughyn hene dt'obbraghyn yindyssagh y voylley: as dt'irriney ayns sheshaght ny nooghyn.
  O Lord, the very heavens shall praise thy wondrous works: and thy truth in the congregation of the saints.
• 89 - 6
  Son quoi eh erskyn ny bodjallyn: vees er ny hoyllaghey rish y Chiarn?
  For who is he among the clouds: that shall be compared unto the Lord?
• 89 - 7
  As quoi eshyn mastey ny Jeeghyn: vees casley rish y Chiarn?
  And what is he among the gods: that shall be like unto the Lord?
• 89 - 8
  Ta aggle feer vooar dy v'er ny ghoaill roish Jee ayns chaglym-cooidjagh ny nooghyn: as ta arrym dy ve er ny choyrt da lioroosyn ooilley ta mygeayrt-y-mysh.
  God is very greatly to be feared in the council of the saints: and to be had in reverence of all them that are round about him.
• 89 - 9
  O Hiarn Yee jeh sheshaght flaunys, quoi ta goll rhyts: ta dt'irriney, Hiarn smoo niartal, er dy chooilley heu.
  O Lord God of hosts, who is like unto thee: thy truth, most mighty Lord, is on every side.
• 89 - 10
  T'ou reill dewlys ny marrey: t'ou kuinaghey ny tonnyn eck tra t'ad troggal.
  Thou rulest the raging of the sea: then stillest the waves thereof when they arise.
• 89 - 11
  T'ou er choyrt Egypt fo-chosh, as er stroie eh: t'ou er skeayley dty noidyn dy lhean lesh dty roih niartal
  Thou hast subdued Egypt, and destroyed it: thou hast scattered thine enemies abroad with thy mighty arm.
• 89 - 12
  Ta ny niaughyn lhiats, lhiats myrgeddin yn thalloo: t'ou er hoiaghey undin y seihll runt, as ooilley ny t'ayn.
  The heavens are thine, the earth also is thine: thou hast laid the foundation of the round world, and all that therein is.
• 89 - 13
  T'ou er yannoo yn twoaie as y jiass: nee Tabor as Hermon boggey y ghoaill ayns dty Ennym.
  Thou hast made the north and the south: Tabor and Hermon shall rejoice in thy Name.
• 89 - 14
  Ta roih niartal ayd: s'lajer ta dty laue's, as ard ta dty laue yesh.
  Thou hast a mighty arm: strong is thy hand, and high is thy right hand.
• 89 - 15
  Cairys as corymid ta stoyl-reeoil dty ynnyd-vaghee: hed myghin as firrinys roish dt'eddin.
  Righteousness and equity are the habitation of thy seat: mercy and truth shall go before thy face
• 89 - 16
  Bannit ta'n pobble, O Hiarn, oddys boggey y ghoaill aynyd: nee ad gimmeeaght ayns soilshey dt'eddin.
  Blessed is the people, O Lord, that can rejoice in thee: they shall walk in the light of thy countenance.
• 89 - 17
  Bee yn taitnys oc gagh-laa ayns dt'Ennym's: as ayns dty chairys nee ad boggyssagh;
  Their delight shall be daily in thy Name: and in thy righteousness shall they make their boast.
• 89 - 18
  Son uss gloyr y niart oc: as ayns dty chenjallys-ghraihagh nee oo nyn ghing y hroggal seose.
  For thou art the glory of their strength: and in thy loving-kindness thou shalt lift up our horns.
• 89 - 19
  Son ta'n Chiarn nyn vendeilagh: ta'n Er Casherick dy Israel nyn Ree.
  For the Lord is our defence: the Holy One of Israel is our King.
• 89 - 20
  Loayr oo keayrt dy row ayns ashlishyn rish dty nooghyn, as dooyrt oo: Ta mee er choyrt cooney er fer ta niartal; Ta mee er hoiaghey seose fer reiht ass y pobble.
  Thou spakest sometime in visions unto thy saints, and saidst: I have laid help upon one that is mighty; I have exalted one chosen out of the people.
• 89 - 21
  Ta mee er gheddyn David my harvaant: lesh my ooil chasherick ta mee er n'ooillaghey eh.
  I have found David my servant: with my holy oil have I anointed him.
• 89 - 22
  Cummee my laue eshyn dy-shickyr: as nee my roih eh y niartaghey.
  My hand shall hold him fast: and my arm shall strengthen him.
• 89 - 23
  Cha bee yn noid abyl tranlaase y yannoo er: cha jean mac yn olkys aggair y yannoo da.
  The enemy shall not be able to do him violence: the son of wickedness shall not hurt him.
• 89 - 24
  Bwoaill-ym sheese e noidyn kiongoyrt rish yn eddin echey: as nee'm adsyn y stroie ta feoh oc ersyn.
  I will smite down his foes before his face: and plague them that hate him.
• 89 - 25
  Bee m'irriney neesht as my vyghin marish: as ayns m'Ennym's bee'n niart echey er ny hoiaghey seose.
  My truth also and my mercy shall be with him: and in my Name shall his horn be exalted.
• 89 - 26
  Soie-ym seose yn reill echey neesht er yn aarkey: as e laue yesh ayns ny thooillaghyn.
  I will set his dominion also in the sea: and his right hand in the floods.
• 89 - 27
  Nee eh geamagh hym, She uss my Ayr: my Yee, as my haualtys lajer.
  He shall call me, Thou art my Father: my God and my strong salvation.
• 89 - 28
  As neem's eh y yannoo my vac shinney: ny syrjey na reeaghyn y thallooin.
  And I will make him my first-born: higher than the kings of the earth.
• 89 - 29
  Freill-ym my vyghin er e hon son dy bragh: as shassee my chonaant shickyr marishyn.
  My mercy will I keep for him for evermore: and my covenant shall stand fast with him.
• 89 - 30
  Ver-ym er y sluight echey myrgeddin dy arraghtyn son dy bragh: as y stoyl-reeoil echey myr laghyn niau.
  His seed also will I make to endure for ever: and his throne as the days of heaven.
• 89 - 31
  Agh my hreigys yn chloan echey my leigh: as nagh n'immee ad ayns my vriwnyssyn;
  But if his children forsake my law: and walk not in my judgements;
• 89 - 32
  My vrishys ad my lattyssyn, as nagh vreill ad m'annaghyn; neem's ny foilljyn oc y cherraghey lesh y clatt, as nyn beccah lesh buillaghyn.
  If they break my statutes, and keep not my commandments: I will visit their offences with the rod, and their sin with scourges.
• 89 - 33
  Ny-yeih, my chenjallys-ghraihagh cha goym dy bollagh voish: chamoo lhiggym da m'irriney dy ailleil.
  Nevertheless, my loving-kindness will I not utterly take from him: nor suffer my truth to fail.
• 89 - 34
  My chonaant cha jean-ym y vrishey, ny yn red y chaghlaa t'er n'gholl magh ass my veillyn: ta mee er n'yannoo breearrey un cheayrt liorish my chasherickys, nagh vail-ym David.
  My covenant will I not break, nor alter the thing that is gone out of my lips: I have sworn once by my holiness, that I will not fail David.
• 89 - 35
  Nee yn sluight echey tannaghtyn son dy bragh: as ta'n stoyl echey goll-rish y ghrian kiongoyrt rhym.
  His seed shall endure for ever: and his seat is like as the sun before me.
• 89 - 36
  Nee eh shassoo shickyr son dy bragh myr yn eayst: as myr yn feanish firrinagh ayns niau.
  He shall stand fast for evermore as the moon: and as the faithful witness in heaven.
• 89 - 37
  Agh t'ou er chur cooyl rish as er hreigeil dt'Er-ooilit: as t'ou jymmoosagh rish.
  But thou hast abhorred and forsaken thine anointed: and art displeased at him.
• 89 - 38
  T'ou er vrishey conaant dty harvaant: as er hilgey yn attey echey gys y thalloo.
  Thou hast broken the covenant of thy servant: and cast his crown to the ground.
• 89 - 39
  T'ou er lhieggal ooilley e voallaghyn: as er vrishey sheese ny tooryn lajer echey.
  Thou hast overthrown all his hedges: and broken down his strong holds.
• 89 - 40
  T'adsyn ooilley ta goll shaghey dy spooilley eh: as t'eh er jeet dy ve ny oltooan da e naboonyn.
  All they that go by spoil him: and he is become a reproach to his neighbours.
• 89 - 41
  T'ou er hoiaghey seose laue yesh e noidyn: as er chur orroosyn ooilley va n'oi dy ghoaill boggey.
  Thou hast set up the right hand of his enemies: and made all his adversaries to rejoice.
• 89 - 42
  T'ou er ghoaill ersooyl foyr e chliwe: as cha vel oo cur da barriaght ayns y chaggey.
  Thou hast taken away the edge of his sword: and givest him not victory in the battle.
• 89 - 43
  T'ou er choyrt ass e ghloyr: as er hilgey e stoyl-reeoil sheese gys y thalloo.
  Thou hast put out his glory: and cast his throne down to the ground.
• 89 - 44
  Laghyn e aegid t'ou er n'yannoo giare: as er choodaghey eh lesh mee-ooashley.
  The days of his youth hast thou shortened: and covered him with dishonour.
• 89 - 45
  Hiarn, caid nee uss oo hene y ollaghey, nee son dy bragh: as jean dty chorree lostey goll-rish aile?
  Lord, how long wilt thou hide thyself, for ever: and shall thy wrath burn like fire?
• 89 - 46
  O cooinee cre cha giare as ta my hraa: cre'n-fa t'ou uss er yannoo dy chooilley ghooinney dy ve fardalagh?
  O remember how short my time is: wherefore hast thou made all men for nought?
• 89 - 47
  Quoi'n dooinney ta bio, nagh vaik y baase: as jean eh yn annym echey y livrey veih laue yn oaie?
  What man is he that liveth, and shall not see death: and shall he deliver his soul from the hand of hell?
• 89 - 48
  Hiarn, cre vel dty henn chenjallyssyn-graihagh: yiall oo lesh breearrey da David ayns dt'irriney?
  Lord, where are thy old loving-kindnesses: which thou swarest unto David in thy truth?
• 89 - 49
  Cooinee, Hiarn, er yn oltooan t'ec dty harvaantyn: as kys ta mee gymmyrkey ayns m'oghrish scammyltyn ymmodee sleih;
  Remember, Lord, the rebuke that thy servants have: and how I do bear in my bosom the rebukes of many people;
• 89 - 50
  Lhieu ta dty noidyn er dty oltooaney: as er hilgey scammylt er kesmadyn dt'Er-ooilit: dy row yn Chiarn er ny voylley son dy bragh. Amen, as Amen.
  Wherewith thine enemies have blasphemed thee: and slandered the footsteps of thine anointed. Praised be the Lord for evermore: Amen, and Amen.

© Culture Vannin