• Home
• Search
• Browse

Chapters

Prev Next

• 12 - 1
  Eshyn shynney lesh ynsagh, shynney lesh tushtey: agh eshyn nagh gow rish oghsan, t'eh ny volvane.
  Whoso loveth instruction loveth knowledge: but he that hateth reproof is brutish.
• 12 - 2
  Ta dooinney mie geddyn foayr veih'n Chiarn: agh y dooinney moylteyragh nee eh y gheyrey.
  A good man obtaineth favour of the Lord: but a man of wicked devices will he condemn.
• 12 - 3
  Cha bee dooinney er ny hickyraghey liorish mee-chraueeaght: agh cha bee fraue yn vooinjer chairagh er ny lhaggaghey.
  A man shall not be established by wickedness: but the root of the righteous shall not be moved.
• 12 - 4
  Ta ben vie myr attey aalin da'n sheshey eck: agh ish ta tayrn nearey er, t'ee myr loauid ayns e chraueyn.
  A virtuous woman is a crown to her husband: but she that maketh ashamed is as rottenness in his bones.
• 12 - 5
  Ta smooinaghtyn y dooinney ynrick cairal: agh ta coyrleyn ny mee-chrauee son molteyrys.
  The thoughts of the righteous are right: but the counsels of the wicked are deceit.
• 12 - 6
  Ta goan ny mee-chrauee dy lhie farkiaght son fuill: agh nee beeal y chloan chairal adsyn y livrey.
  The words of the wicked are to lie in wait for blood: but the mouth of the upright shall deliver them.
• 12 - 7
  Ta ny mee-chrauee giarit jeh, as cha vel arragh jeu: agh nee thie yn vooinjer ynrick shassoo.
  The wicked are overthrown, and are not: but the house of the righteous shall stand.
• 12 - 8
  Yiow dooinney moylley rere e chreenaght: agh bee eshyn ta jeh cree mitchooragh beg soit jeh.
  A man shall be commended according to his wisdom: but he that is of a perverse heart shall be despised.
• 12 - 9
  Ny share ta eshyn, ta ayns stayd injil, as son cooney lesh hene, na eshyn ta moyrnagh jeh hene, as laccal arran.
  He that is despised, and hath a servant, is better than he that honoureth himself, and lacketh bread.
• 12 - 10
  Ta dooinney myghinagh soiaghey mooar jeh bioys e vaagh: agh ta myghinyn meiygh ny mee-chrauee dewilys
  A righteous man regardeth the life of his beast: but the tender mercies of the wicked are cruel.
• 12 - 11
  Bee eshyn ta laboragh e halloo jeant-magh lesh arran agh eshyn ta taaghey marish stroialtee, t'eh laccal tushtey.
  He that tilleth his land shall be satisfied with bread: but he that followeth vain persons is void of understanding.
• 12 - 12
  Ta drogh-ghooinney geearree ribbey ny mee-chrauee: agh ta fraue y vooinjer cairagh gymmyrkey mess.
  The wicked desireth the net of evil men: but the root of the righteous yieldeth fruit.
• 12 - 13
  Ta'n fer olk goit liorish mee-reiltys e veillyn hene: agh hig y vooinjer ynrick ass seaghyn.
  The wicked is snared by the transgression of his lips: but the just shall come out of trouble.
• 12 - 14
  Bee dooinney jeant magh lesh mieys, liorish mess e veeal, as rere obbyr e laueyn bee dooinney cooilleenit
  A man shall be satisfied with good by the fruit of his mouth: and the recompence of a man's hands shall be rendered unto him.
• 12 - 15
  Ta raad ommydan jeeragh ayns e hooillyn hene; agh t'eshyn creeney eaishtys rish coyrle.
  The way of a fool is right in his own eyes: but he that hearkeneth unto counsel is wise.
• 12 - 16
  Ta corree yn ommydan dy leah cronnit: agh ta dooinney creeney coodaghey nearey.
  A fool's wrath is presently known: but a prudent man covereth shame.
• 12 - 17
  Eshyn ta loayrt yn irriney, t'eh soilshaghey cairys; agh feanish foalsey, molteyraght.
  He that speaketh truth sheweth forth righteousness: but a false witness deceit.
• 12 - 18
  Ta fer ayn, ta loayrt goll-rish gyerid y chliwe: agh ta slaynt ayns chengey yn dooinney creeney.
  There is that speaketh like the piercings of a sword: but the tongue of the wise is health.
• 12 - 19
  Bee meillyn ny firriney er ny hickyraghey son dy bragh: agh cha vel chengey vreagagh agh son tullogh.
  The lip of truth shall be established for ever: but a lying tongue is but for a moment.
• 12 - 20
  Ta foalsaght ayns y chree ocsyn ta kiarail olk: agh ta shee cour ny fir-choyrlee sheeoil.
  Deceit is in the heart of them that imagine evil: but to the counsellors of peace is joy.
• 12 - 21
  Cha jean olk erbee taghyrt da'n dooinney cairagh: agh bee ny mee-chrauee laadit lesh olk.
  There shall no evil happen to the just: but the wicked shall be filled with mischief.
• 12 - 22
  Ta meillyn breagagh dwoaiagh da'n Chiarn, agh adsyn ta dellal dy firrinagh t'ad boggey da.
  Lying lips are abomination to the Lord: but they that deal truly are his delight.
• 12 - 23
  Ta dooinney toiggalagh keiltyn tushtey, agh ta cree ny mee-chrauee fockley magh ommijys.
  A prudent man concealeth knowledge: but the heart of fools proclaimeth foolishness.
• 12 - 24
  Nee yn laue jeidjagh gymmyrkey reill, agh bee yn meerioosagh fo keeshyn.
  The hand of the diligent shall bear rule: but the slothful shall be under tribute.
• 12 - 25
  Ta trimshey ayns cree dooinney cur er croymmey: agh ta fockle dooie jannoo gennal jeh.
  Heaviness in the heart of man maketh it stoop: but a good word maketh it glad.
• 12 - 26
  Ta'n dooinney cairal ny s'ooasle na e naboo: agh ta raad ny mee-chrauee cur ad er-shaghryn.
  The righteous is more excellent than his neighbour: but the way of the wicked seduceth them.
• 12 - 27
  Cha vel yn er-liastey gaarlagh shen, ghow eh ayns shelg: agh ta cooid dooinney frioosagh bannaght da.
  The slothful man roasteth not that which he took in hunting: but the substance of a diligent man is precious.
• 12 - 28
  Ayns raad yn ynrickys ta bea, as ayns y chassan shen cha vel nhee baasoil erbee.
  In the way of righteousness is life: and in the pathway thereof there is no death.

© Culture Vannin