• Home
• Search
• Browse

Chapters

Prev Next

• 19 - 1
  Ny share ta'n boght ta gimmeeaght ayns e ynrickys, na eh ta camlaagagh ayns e veillyn, as ny ommydan.
  Better is the poor that walketh in his integrity, than he that is perverse in his lips, and is a fool.
• 19 - 2
  Myrgeddin dy bee yn annym fegooish ynsagh cha vel eh mie: as eshyn ta ro hiyragh, nee eh tuittym ayns peccah.
  Also, that the soul be without knowledge, it is not good; and he that hasteth with his feet sinneth.
• 19 - 3
  Ta ommijys dooinney dy chassey e raad: as ta e chree tallagh noi yn Chiarn.
  The foolishness of man perverteth his way: and his heart fretteth against the Lord.
• 19 - 4
  Ta berchys jannoo myrgeddin ymmodee caarjyn: agh veih yn voght, ta eer e naboo chyndaa ersooyl.
  Wealth maketh many friends; but the poor is separated from his neighbour.
• 19 - 5
  Cha bee feanish foalsey fegooish kerraghey, as ta smaght gyere cour y vreagerey.
  A false witness shall not be unpunished, and he that speaketh lies shall not escape.
• 19 - 6
  Nee ymmodee shirrey foayr y ree, as ta dy chooilley ghooinney ny charrey dasyn chebbys giootyn.
  Many will intreat the favour of the prince: and every man is a friend to him that giveth gifts.
• 19 - 7
  Ta deiney-mooinjer y voght ooilley dy choyrt cooyl rish: cre-woad smoo ta e chaarjyn goll foddey veih? t'eh geiyrt orroo lesh e ghoan, agh cha vel geill oo da.
  All the brethren of the poor do hate him: how much more do his friends go far from him? he pursueth them with words, yet they are wanting to him.
• 19 - 8
  Eh ta geddyn creenaght, shynney lesh e annym hene: eshyn freillys tushtey yiow eh mie.
  He that getteth wisdom loveth his own soul: he that keepeth understanding shall find good.
• 19 - 9
  Cha bee feanish foalsey fegooish kerraghey, as nee yn breagerey dy shickyr cherraghtyn.
  A false witness shall not be unpunished, and he that speaketh lies shall perish.
• 19 - 10
  Cha vel pooar cooie son ommydan: foddey sloo son sharvaant dy reill harrish princeyn.
  Delight is not seemly for a fool; much less for a servant to have rule over princes.
• 19 - 11
  Ta keeayl dooinney dy chastey e chorree: as te yn ghloyr echey [ny cheayrtyn] dy lhiggey lesh yn aggair.
  The discretion of a man deferreth his anger; and it is his glory to pass over a transgression.
• 19 - 12
  Ta jymmoose y ree myr garveigagh y lion: agh ta'n foayr echey myr druight er y faiyr.
  The king's wrath is as the roaring of a lion; but his favour is as dew upon the grass.
• 19 - 13
  Ta ommydan dy vac seaghyn e ayrey: as ta beealerey dy ven myr faarn kinjagh ayns thie.
  A foolish son is the calamity of his father: and the contentions of a wife are a continual dropping.
• 19 - 14
  Ta thieyn as berchys eiraght ayraghyn: as ta ben lowal veih'n Chiarn.
  House and riches are the inheritance of fathers: and a prudent wife is from the Lord.
• 19 - 15
  Ta litcheraght dy hilgey fer ayns cadley trome, as nee'n annym liastey surranse gortey.
  Slothfulness casteth into a deep sleep; and an idle soul shall suffer hunger.
• 19 - 16
  Eshyn freillys ny annaghyn, t'eh freayll yn annym echey hene: agh hed eshyn mow, nagh vel geill echey gys e raaidyn.
  He that keepeth the commandment keepeth his own soul; but he that despiseth his ways shall die.
• 19 - 17
  Eshyn ta giastyllagh da ny boghtyn, t'eh geeasaght da'n Chiarn: as son shen t'eh myr shoh dy vaarail, bee eh er ny eeck da reesht.
  He that hath pity upon the poor lendeth unto the Lord; and that which he hath given will he pay him again.
• 19 - 18
  Smaghtee dty vac, choud as ta caslys dy yannoo mie jeh, agh ny cur raad da dewilys neu-chooie.
  Chasten thy son while there is hope, and let not thy soul spare for his crying.
• 19 - 19
  Nee dooinney siyragh gys corree surranse seaghyn: son my livrey-ys oo eh, ny-yeih shegin dhyt jannoo eh reesht.
  A man of great wrath shall suffer punishment: for if thou deliver him, yet thou must do it again.
• 19 - 20
  Eaisht rish coyrle, as gow ynsagh, dy vod gerjagh ve ayd ayns jerrey dty laghyn.
  Hear counsel, and receive instruction, that thou mayest be wise in thy latter end.
• 19 - 21
  Ta ymmodee smooinaghtyn dowin ayns cree dooinney: ny-yeih she coyrle y Chiarn, shen nee shassoo.
  There are many devices in a man's heart; nevertheless the counsel of the Lord, that shall stand.
• 19 - 22
  Te yeearree dooinney dy yannoo thurn mie: as ta'n boght ynrick ny share na'n berchagh breagagh.
  The desire of a man is his kindness: and a poor man is better than a liar.
• 19 - 23
  Ta aggle y Chiarn leeideil gys bea: s'maynrey vees e lhied, as shaghnee eh dagh olk.
  The fear of the Lord tendeth to life: and he that hath it shall abide satisfied; he shall not be visited with evil.
• 19 - 24
  Ta'n litcher liastey follaghtyn e laue ayns e vroghil, as s'coan nee eh wheesh troggal eh gys e veeal.
  A slothful man hideth his hand in his bosom, and will not so much as bring it to his mouth again.
• 19 - 25
  Smaghtee yn craidoilagh, as nee yn vooinjer oney goaill tastey: as coyrlee dooinney toiggalagh, as gowee eh tushtey.
  Smite a scorner, and the simple will beware: and reprove one that hath understanding, and he will understand knowledge.
• 19 - 26
  Eshyn ta spooilley e ayr, as dy eiyrt ersooyl e voir, t'eh ny vac gyn-nearey as scammyltagh.
  He that wasteth his father, and chaseth away his mother, is a son that causeth shame, and bringeth reproach.
• 19 - 27
  Cur twoaie, my vac, nagh n'eaisht oo rish y drogh-ynsagh shen, ver oo er-shaghryn voish coyrle vie
  Cease, my son, to hear the instruction that causeth to err from the words of knowledge.
• 19 - 28
  Cha vel feanish mee-chrauee agh jannoo craid jeh briwnys, as ta beeal y drogh-yantagh sluggey sheese mee-chairys.
  An ungodly witness scorneth judgment: and the mouth of the wicked devoureth iniquity.
• 19 - 29
  Ta kerraghey kiarit son ny craidoilee as scutchal son dreeym ny mee-cheeayllee.
  Judgments are prepared for scorners, and stripes for the back of fools.

© Culture Vannin