Chapters

Prev Next

5 - 1

My vac, cur tastey da my chreenaght, as croym dty chleaysh gys my ynsagh.

My son, attend unto my wisdom, and bow thine ear to my understanding:
5 - 2

Dy vod oo cur geill da coyrle vie, as dy vod dty veillyn freayll tushtey

That thou mayest regard discretion, and that thy lips may keep knowledge.
5 - 3

Son ta meillyn y ven-oainjyr shilley, myr kere-volley, as ta'n beeal eck ny shliawn na'n ooil.

For the lips of a strange woman drop as an honeycomb, and her mouth is smoother than oil:
5 - 4

Agh ta'n jerrey eck sharroo myr yn ullymar, gyere myr cliwe dy ghaa-foyr.

But her end is bitter as wormwood, sharp as a two-edged sword.
5 - 5

Ta ny cassyn eck goll sheese gys yn oaie: ta ny kesmadyn eck goaill greme er niurin.

Her feet go down to death; her steps take hold on hell.
5 - 6

Dy dty chleayney veih smooinaghtyn er raad y vea, ta ny cassanyn ecksh camlaagagh, nagh vod oo toiggal ad.

Lest thou shouldest ponder the path of life, her ways are moveable, that thou canst not know them.
5 - 7

Eaisht-jee rhym eisht, er-y-fa shen, O shiuish my chloan, as ny scarr-jee rish goan my veeal.

Hear me now therefore, O ye children, and depart not from the words of my mouth.
5 - 8

Freill dty raad foddey vo'ee, as ny tar coair dorrys y thie eck.

Remove thy way far from her, and come not nigh the door of her house:
5 - 9

Er-aggle dy der oo dty ghoo mie ayns pooar joarreeyn, as bleeantyn dty [niart] da'n vooinjer ghewil.

Lest thou give thine honour unto others, and thy years unto the cruel:
5 - 10

Er-aggle neesht dy bee joarreeyn ayns slane soylley dty verchys, as dty chosney ayns thie joarree

Lest strangers be filled with thy wealth; and thy labours be in the house of a stranger;
5 - 11

As dy jean oo dobberan ec y jerrey, tra vees dty eill as dty chorp er shymley ersooyl,

And thou mourn at the last, when thy flesh and thy body are consumed,
5 - 12

As dy jarroo, Kys va mee dwoaiagh er ynsagh, as kys ren my chree soiaghey beg jeh coyrle.

And say, How have I hated instruction, and my heart despised reproof;
5 - 13

As nagh dug mee biallys da coraa my ir-ynsee, as nagh ren mee my chleaysh y chroymmey dauesyn hug roym.

And have not obeyed the voice of my teachers, nor inclined mine ear to them that instructed me
5 - 14

Va mee faggys ayns dy chooilley olk, fenish y phobble, as y cho-chruinnaght.

I was almost in all evil in the midst of the congregation and assembly.
5 - 15

Iu ushtey ass dty haagh hene, as ushtaghyn geill ass dty hibbyr hene.

Drink waters out of thine own cistern, and running waters out of thine own well.
5 - 16

Lhig da ny farraneyn ayd's roie magh dy lhean, as strooanyn ushtey ayns ny straidyn.

Let thy fountains be dispersed abroad, and rivers of waters in the streets.
5 - 17

Lhig daue ve ynrycan lhiat hene, as cha nee lesh joarreeyn ayns ayrn mayrt.

Let them be only thine own, and not strangers' with thee.
5 - 18

Lhig da dty farrane ve bannit, as gow boggey ayns benphoost dty aegid.

Let thy fountain be blessed: and rejoice with the wife of thy youth.
5 - 19

Lhig j'ee ve myr y feeaih veen, as myr cretoor ennoil mygeayrt thie: lhig da ny keeaghyn ecksh oo y wooiys dy kinjagh, as gew uss taitnys dagh traa ayns y ghraih eck.

Let her be as the loving hind and pleasant roe; let her breasts satisfy thee at all times; and be thou ravished always with her love.
5 - 20

As cre'n-fa, my vac, bee oo er dty chleayney liorish ben whuaagh, as taitnys ayd ayns oghrish oainjyr?

And why wilt thou, my son, be ravished with a strange woman, and embrace the bosom of a stranger?
5 - 21

Son ta raaidyn dooinney fo sooillyn y Chiarn, as t'eh cronnaghey ooilley e immeeaght.

For the ways of man are before the eyes of the Lord, and he pondereth all his goings.
5 - 22

Nee e vee-chairys hene yn vee-chrauee y ghreimmey, as bee eh sniemmit.

His own iniquities shall take the wicked himself, and he shall be holden with the cords of his sins.
5 - 23

Yiow eh baase gyn ynsagh, as ayns mooadys e ommijys hed eh er-shaghryn.

He shall die without instruction; and in the greatness of his folly he shall go astray.