Chapters

Prev Next

10 - 1

Myr ta beishteigyn marroo breinnaghey ooil chostal yn photecaree: myr shen ta kuse dy ommijys leodaghey eshyn, ta ayns goo mie son creenaght as ooashley

Dead flies cause the ointment of the apothecary to send forth a stinking savour: so doth a little folly him that is in reputation for wisdom and honour.
10 - 2

Ta cree dooinney creeney ec e laue yesh; agh ta cree yn ommydan ec e laue hoshtal.

A wise man's heart is at his right hand; but a fool's heart at his left.
10 - 3

Eer myr t'eh shooyl er y raad ta cree yn ommydan failleil, soilshaghey da dy chooilley unnane, cre'n ommydan t'eh.

Yea also, when he that is a fool walketh by the way, his wisdom faileth him, and he saith to every one that he is a fool.
10 - 4

My ta jymmoose yn reiltagh girree seose dt'oi, ny treig dty oik; son ta ammys jannoo lhiasaghey son foiljyn mooarey.

If the spirit of the ruler rise up against thee, leave not thy place; for yielding pacifieth great offences.
10 - 5

Ta lieh-chiartys ayn ta mee er vakin fo'n ghrian, as shen by-chyndagh rish foill yn ard-reiltagh hene.

There is an evil which I have seen under the sun, as an error which proceedeth from the ruler:
10 - 6

Ta ommijys soit ayns oikyn ooasle, as deiney seyrey currit sheese dy injil.

Folly is set in great dignity, and the rich sit in low place.
10 - 7

Ta mee er vakin fir-vooinjerey er cabbil, as princeyn shooyl myr coshee er y thalloo.

I have seen servants upon horses, and princes walking as servants upon the earth.
10 - 8

Eshyn chleiy-ys ooig, tuittee eh-hene ayn; as eshyn lhieggys cleiy, nee ard-nieu eh y lhottey.

He that diggeth a pit shall fall into it; and whoso breaketh an hedge, a serpent shall bite him.
10 - 9

Eshyn ta scughey claghyn, t'eh ayns gaue ve gortit lioroo: as eshyn ta scoltey fuygh, foddee skielley taghyrt da.

Whoso removeth stones shall be hurt therewith; and he that cleaveth wood shall be endangered thereby.
10 - 10

My ta'n yiarn moandagh, as cha vel yn obbree goaill foyr, eisht shegin da niart smoo y chur huggey agh ta schlei ymmyrchagh dy yannoo aghtal.

If the iron be blunt, and he do not whet the edge, then must he put to more strength: but wisdom is profitable to direct.
10 - 11

Son shickyrys, te ayns fardail dy chleayney yn ard-nieu, erreish da v'er lhottey, as cha vel y beeallerey veg share.

Surely the serpent will bite without enchantment; and a babbler is no better.
10 - 12

Ta goan beeal y dooinney creeney graysoil; agh nee meillyn yn ommydan sluggey seose eh-hene.

The words of a wise man's mouth are gracious; but the lips of a fool will swallow up himself.
10 - 13

Ta goan e veeal goaill toshiaght ayns ommijys; as ta jerrey e haggloo ayns dewilys aggair.

The beginning of the words of his mouth is foolishness: and the end of his talk is mischievous madness.
10 - 14

Ta ommydan neesht lane dy ghlare: cha vod dooinney ginsh cre t'eh mysh, ny jannoo magh cre t'eh kiarail.

A fool also is full of words: a man cannot tell what shall be; and what shall be after him, who can tell him?
10 - 15

Ta boiraneys yn ommydan jannoo dy chooilley ghooinney skee jeh, myr fer nagh nhione da oayll y raad gys yn ard-valley.

The labour of the foolish wearieth every one of them, because he knoweth not how to go to the city.
10 - 16

Smerg dhyt's, O heer, tra ta dty ree ny lhiannoo, as ta dty phrinceyn gee dy rouanagh 'sy voghrey.

Woe to thee, O land, when thy king is a child, and thy princes eat in the morning
10 - 17

S'maynrey t'ou uss, O heer, tra ta dty ree jeh kynney ooasle, as ta dty phrinceyn gee ayns traa cooie, son ooraghey, as cha nee son rouanys.

Blessed art thou, O land, when thy king is the son of nobles, and thy princes eat in due season, for strength, and not for drunkenness
10 - 18

Liorish eer liastey ta'n ynnyd-vaghee goll naardey, as trooid mee-rioose ny laueyn ta'n faarn shilley trooid y chlea.

By much slothfulness the building decayeth; and through idleness of the hands the house droppeth through.
10 - 19

Ta cuirraghyn jeant son gennallys, as ta feeyn jannoo gerjaghey'n chree: agh ta argid gansoor dy chooilley nhee.

A feast is made for laughter, and wine maketh merry: but money answereth all things.
10 - 20

Ny jean y ree y oltooan, eer ayns dty smooinaghtyn, as ny loayr dy olk jeh deiney ooasle ayns dty hiamyr lhiabbagh: son nee eean jeh'n aer yn coraa y chur lesh, as ver yn skianagh briaght er y chooish.

Curse not the king, no not in thy thought; and curse not the rich in thy bedchamber: for a bird of the air shall carry the voice, and that which hath wings shall tell the matter.