Chapters

1 - 1

Arrane dy arraneyn mychione Solomon.

The song of songs, which is Solomon's.
1 - 2

Lhig da mish y phaagey lesh paagyn e veeal: son ta dty ghraih ny smiljey na feeyn.

Let him kiss me with the kisses of his mouth: for thy love is better than wine.
1 - 3

Son blass dty ooilyn miljey, ta dty ennym myr ooil er ny gheayrtey; shen-y-fa ta ny moidynyn ayns graih rhyt.

Because of the savour of thy good ointments thy name is as ointment poured forth, therefore do the virgins love thee.
1 - 4

Jean m'y chleayney, as roie mayd geiyrt ort: ta'n ree er choyrt lesh mee stiagh gys e hiamyryn, bee mayd gennal, as gowee mayd boggey aynyd's, bee mayd ny s'aggindee er dty ghraih na er feeyn: shynney lesh sleih mie oo.

Draw me, we will run after thee: the king hath brought me into his chambers: we will be glad and rejoice in thee, we will remember thy love more than wine: the upright love thee.
1 - 5

O shiuish inneenyn Yerusalem, ta mee dorraghey myr cabbaneyn Chedar, agh stoamey myr curtanyn Solomon.

I am black, but comely, O ye daughters of Jerusalem, as the tents of Kedar, as the curtains of Solomon.
1 - 6

Ny jeeagh-jee orrym's, son dy vel my neeal dorraghey, as dy vel y ghrian er chaghlaa my vlaa: va cloan my vayrey neu-ghooghyssagh rhym, hug ad mee dy arrey ny garaghyn-feeyney, agh my gharey-feeyney hene cha dreill mee.

Look not upon me, because I am black, because the sun hath looked upon me: my mother's children were angry with me; they made me the keeper of the vineyards; but mine own vineyard have I not kept.
1 - 7

Insh dou, O uss ghraih m'annym c'raad t'ou fassaghey, cre'n raad ta'n chioltane ayds goaill nyn aash bwoaillee vunlaa: son cre'n-fa veign myr shaghrynagh mastey shioltaneyn dty heshaghyn?

Tell me, O thou whom my soul loveth, where thou feedest, where thou makest thy flock to rest at noon: for why should I be as one that turneth aside by the flocks of thy companions?
1 - 8

Mannagh nhione dhyt, O uss s'aalin ta mastey mraane, immee magh ayns cassanyn yn chioltane, as fassee dty vannanyn liorish ny bwaagyn bochill.

If thou know not, O thou fairest among women, go thy way forth by the footsteps of the flock, and feed thy kids beside the shepherds' tents.
1 - 9

Ta mee er dty hoylaghey, O my ghraih, gys cabbil aalin ayns fainee Pharaoh.

I have compared thee, O my love, to a company of horses in Pharaoh's chariots.
1 - 10

Ta dty cheeillyn bwaagh soit magh lesh roaghyn dy yewellyn, dty wannal lesh boandaghyn airhey.

Thy cheeks are comely with rows of jewels, thy neck with chains of gold.
1 - 11

Nee mayd er dty hon chemmallyn airhey lesh taggadyn argid.

We will make thee borders of gold with studs of silver.
1 - 12

Choud's ta'n ree soie ec yn voayrd, nee'n spikenard aym's soar millish y choyrt magh.

While the king sitteth at his table, my spikenard sendeth forth the smell thereof.
1 - 13

Ta my ghraih dooys myr dhossan myrrh; lhie fud-ny-hoie ayns my oghrish.

A bundle of myrrh is my well-beloved unto me; he shall lie all night betwixt my breasts.
1 - 14

Ta my ghraih dooys myr croau camphire ayns garaghyn-feeyney En-gedi.

My beloved is unto me as a cluster of camphire in the vineyards of Engedi.
1 - 15

Cur-my-ner, t'ou aalin my ghraih; cur-my-ner t'ou aalin, ta ayd sooillyn calmane.

Behold, thou art fair, my love; behold, thou art fair; thou hast doves' eyes.
1 - 16

Cur-my-ner, t'ou aalin, my ghraih, dy jarroo eunyssagh: ta'n lhiabbee ain myrgeddin geayney.

Behold, thou art fair, my beloved, yea, pleasant: also our bed is green.
1 - 17

Beamyn yn thie ain jeh cedar, as ny jeaystyn juys.

The beams of our house are cedar, and our rafters of fir.