Chapters

Prev Next

22 - 1

As dreggyr Yeesey, as loayr eh roo reesht liorish coraaghyn-dorraghey, gra,

And Jesus answered and spake unto them again by parables, and said,
22 - 2

Ta reeriaght Yee er ny hoylaghey gys ree dy row, ren bannish son e vac,

The kingdom of heaven is like unto a certain king, which made a marriage for his son,
22 - 3

As hug eh magh e harvaantyn dy eamagh orroosyn va cuirt gys y vannish: as cha balliu cheet.

And sent forth his servants to call them that were bidden to the wedding: and they would not come.
22 - 4

Reesht hug eh magh sharvaantyn elley, gra, Abbyr-jee roosyn ta cuirt, Cur-my-ner ta mee er n'aarlaghey my yinnair: ta my ghew as my veiyn beiyht marroo, as dy chooilley nhee ullee; tar-jee gys y vannish.

Again, he sent forth other servants, saying, Tell them which are bidden, Behold, I have prepared my dinner: my oxen and my fatlings are killed, and all things are ready: come unto the marriage.
22 - 5

Agh hoie adsyn beg jeh as hie ad rhymboo, fer gys e state-hallooin, as fer elley gys e varchantys:

But they made light of it, and went their ways, one to his farm, another to his merchandise:
22 - 6

As ghow yn chooid elley ny sharvaantyn echey, as ghell ad dy elgyssagh roo, as varr ad ad.

And the remnant took his servants, and entreated them spitefully, and slew them.
22 - 7

Agh tra cheayll y ree jeh v'eh feer chorree: as hug eh magh e heshaghtyn caggee, as stroie eh ny dunveryn shen, as losht eh yn ard-valley oc.

But when the king heard thereof, he was wroth: and he sent forth his armies, and destroyed those murderers, and burned up their city.
22 - 8

Eisht dooyrt eh rish e harvaantyn, Ta'n vannish aarloo, agh y vooinjer va cuirt cha row ad feeu.

Then saith he to his servants, The wedding is ready, but they which were bidden were not worthy.
22 - 9

Gow-jee magh er-y-fa shen gys ny raaidyn mooarey, as whilleen as yiow shiu, cuir-jee gys y vannish.

Go ye therefore into the highways, and as many as ye shall find, bid to the marriage.
22 - 10

As hie ny sharvaantyn shen magh gys ny raaidyn-mooarey, as ren ad whilleen as haink nyn raad y haglym cooidjagh, chammah sie as mie: as va thie ny banshey er ny lhieeney lesh goaldee.

So those servants went out into the highways, and gathered together all as many as they found, both bad and good: and the wedding was furnished with guests.
22 - 11

As tra haink y ree stiagh dy akin ny goaldee, honnick eh dooinney ayns shen nagh row garmad-banshey er:

And when the king came in to see the guests, he saw there a man which had not on a wedding garment:
22 - 12

As dooyrt eh rish, Heshey vie, kys haink uss stiagh ayns shoh, fegooish garmad-banshey? As cha row fockle echey dy ghra.

And he saith unto him, Friend, how camest thou in hither not having a wedding garment? And he was speechless.
22 - 13

Eisht dooyrt y ree rish ny sharvaantyn, Kiangle-jee eh laue as cass, as gow-jee eh ersooyl, as tilg-jee eh ayns y dorraghys sodjey-mooie: shen-y-raad vees keayney as snaggeraght feeacklyn.

Then said the king to the servants, Bind him hand and foot, and take him away, and cast him into outer darkness, there shall be weeping and gnashing of teeth.
22 - 14

Son shimmey t'er nyn eam, agh s'tiark t'er nyn reih.

For many are called, but few are chosen.
22 - 15

Eisht hie ny Phariseeyn, as hug ad nyn goyrle dy cheilley, kys dy ghoaill vondeish er ayns e ghoan.

Then went the Pharisees, and took counsel how they might entangle him in his talk.
22 - 16

As hug ad magh huggey shiartanse jeusyn v'ad hene er n'ynsaghey marish ny Herodianee, gra, Vainshter, ta fys ain dy vel oo firrinagh, as dy vel oo gynsaghey raad Yee syn ynrickys, chamoo t'ou ayns aggle roish dooinney erbee: son cha vel oo soiaghey jeh persoon deiney.

And they sent out unto him their disciples with the Herodians, saying, Master, we know that thou art true, and teachest the way of God in truth, neither carest thou for any man: for thou regardest not the person of men.
22 - 17

Insh dooin er-y-fa shen, Cre t'ou uss smooinaghtyn, Vel eh lowal keesh y eeck da Cesar mannagh vel?

Tell us therefore, What thinkest thou? Is it lawful to give tribute unto Caesar, or not?
22 - 18

Agh dennee Yeesey yn foalsaght oc, as dooyrt eh, Cre'n-fa ta shiu shirrey vondeish y ghoaill orrym, shiuish chrauee-oalsey?

But Jesus perceived their wickedness, and said, Why tempt ye me, ye hypocrites?
22 - 19

Jeeagh-jee dou argid y cheesh: as yeeagh ad ping da.

Shew me the tribute money. And they brought unto him a penny.
22 - 20

As dooyrt eh roo, Quoi ta'n jalloo as y screeu shoh cowraghey?

And he saith unto them, Whose is this image and superscription?
22 - 21

Dooyrt adsyn rish, Cesar. Eisht dooyrt eh roo, Eeck-jee er-y-fa shen da Cesar shen ny ta lesh Cesar: as da Jee, shen ny ta lesh Jee.

They say unto him, Caesar's. Then saith he unto them, Render therefore unto Caesar the things which are Caesar's; and unto God the things that are God's.
22 - 22

Tra cheayll ad shoh ghow ad yindys as daag ad eh, as hie ad rhymboo.

When they had heard these words, they marvelled, and left him, and went their way.
22 - 23

Yn laa cheddin haink huggey ny Sadduceeyn, ta gra, Nagh vel irree-seose reesht veih ny merriu dy ve ayn, as denee ad jeh,

The same day came to him the Sadducees, which say that there is no resurrection, and asked him,
22 - 24

Gra, Vainshter, ta Moses er ghra, My ta dooinney geddyn baase gyn cloan, dy vel e vraar dy phoosey yn ven echey, as dy hroggal seose sluight gys e vraar.

Saying, Master, Moses said, If a man die, having no children, his brother shall marry his wife, and raise up seed unto his brother.
22 - 25

Nish va ny mast' ain shiaght braaraghyn, as phoose y braar shinney, as geddyn baase gyn cloan, daag eh e ven da e nah vraar.

Now there were with us seven brethren: and the first, when he had married a wife, deceased, and, having no issue, left his wife unto his brother:
22 - 26

As hooar y nah vraar myrgeddin baase as y trass, gys y chiaghtoo.

Likewise the second also, and the third, unto the seventh.
22 - 27

As er-jerrey ooilley hooar y ven baase myrgeddin.

And last of all the woman died also.
22 - 28

Shen-y-fa ec yn irree-reesht, quoi jeh'n chiaght vees ee echey son ben, son v'ee poost roo ooilley.

Therefore in the resurrection whose wife shall she be of the seven? for they all had her.
22 - 29

Dreggyr Yeesey as dooyrt eh roo, Ta shiu fo marranys, as cha vel toiggal eu jeh goo ny jeh pooar Yee.

Jesus answered and said unto them, Ye do err, not knowing the scriptures, nor the power of God.
22 - 30

Son ec yn irree-reesht, cha vel ad poosey, ny er nyn goyrt ayns poosey; agh t'ad myr ainleyn Yee t'ayns niau.

For in the resurrection they neither marry, nor are given in marriage, but are as the angels of God in heaven.
22 - 31

Agh mychione irree-reesht ny merriu, nagh vel shiu er lhaih shen va loayrit riu liorish Jee, gra,

But as touching the resurrection of the dead, have ye not read that which was spoken unto you by God, saying,
22 - 32

Mish Jee Abraham, as Jee Isaac, as Jee Yacob? cha vel Jee Jee ny merriu, agh Jee ny bioee.

I am the God of Abraham, and the God of Isaac, and the God of Jacob? God is not the God of the dead, but of the living.
22 - 33

As tra cheayll y pobble shoh, ghow ad yindys jeh'n ynsaghey echey.

And when the multitude heard this, they were astonished at his doctrine.
22 - 34

Agh tra va ny Phariseeyn er chlashtyn dy row eh er chur ny Sadduceeyn nyn dhost, v'ad er nyn jaglym cooidjagh.

But when the Pharisees had heard that he had put the Sadducees to silence, they were gathered together.
22 - 35

As denee fer jeu ard-ynsit 'sy leigh, question jeh, dy phrowal eh, gra,

Then one of them, which was a lawyer, asked him a question, tempting him, and saying,
22 - 36

Vainshter, cre yn ard-anney ayns y leigh?

Master, which is the great commandment in the law?
22 - 37

Dooyrt Yeesey rish, Ver oo graih da'n Chiarn dty Yee lesh ooilley dty chree as lesh ooilley dty annym, as lesh ooilley dt'aigney.

Jesus said unto him, Thou shalt love the Lord thy God with all thy heart, and with all thy soul, and with all thy mind.
22 - 38

Shoh yn chied as yn ard-anney.

This is the first and great commandment.
22 - 39

As ta'n nah anney casley rish, Ver oo graih da dty naboo myr dhyt hene.

And the second is like unto it, Thou shalt love thy neighbour as thyself.
22 - 40

Yn daa anney shoh bun y leigh as ny phadeyryn.

On these two commandments hang all the law and the prophets.
22 - 41

Choud as va ny Phariseeyn er nyn jaglym cooidjagh, denee Yeesey jeu,

While the Pharisees were gathered together, Jesus asked them,
22 - 42

Gra, Cre ta nyn smooinaghtyn my chione Creest? quoi da mac eh? Dooyrt adsyn rish, Mac Ghavid.

Saying, What think ye of Christ? whose son is he? They say unto him, The son of David.
22 - 43

Dooyrt eshyn roo, Kys eisht dy vel David liorish yn spyrryd genmys eh ny Hiarn, gra,

He saith unto them, How then doth David in spirit call him Lord, saying,
22 - 44

Dooyrt y Chiarn rish my Hiarn's, Soie uss er my laue yesh, derrey neem's dty noidyn stoyl dty choshey?

The Lord said unto my Lord, Sit thou on my right hand, till I make thine enemies thy footstool?
22 - 45

My ta David eisht genmys eh ny Hiarn, kys t'eh yn mac echey?

If David then call him Lord, how is he his son?
22 - 46

As cha row dooinney ny vod oc son ansoor y chur da, chamoo by-lhoys da fer erbee jeu (veih'n laa shen magh) question erbee sodjey y chur huggey.

And no man was able to answer him a word, neither durst any man from that day forth ask him any more questions.