Chapters

Prev Next

3 - 1

O Ghalatianee vee-hushtagh, quoi ta er chleaynaghey shiu, nagh vel shiu biallagh gys yn irriney, kiongoyrt rish nyn sooillyn hene ta Yeesey Creest dy baghtal er ny ve soit magh, er ny chrossey nyn mast'eu.

O foolish Galatians, who hath bewitched you, that ye should not obey the truth, before whose eyes Jesus Christ hath been evidently set forth, crucified among you?
3 - 2

Shoh ny-lomarcan baillym gynsaghey veue, Ren shiu yn Spyrryd y gheddyn liorish obbraghyn y leigh, ny liorish y clashtyn dy chredjue?

This only would I learn of you, Received ye the Spirit by the works of the law, or by the hearing of faith?
3 - 3

Vel shiu nish jeh cha beg dy hushtey? lurg diu goaill toshiaght 'sy Spyrryd, vel; shiu nish jannoo jerrey syn eill?

Are ye so foolish? having begun in the Spirit, are ye now made perfect by the flesh?
3 - 4

Vel shiu er hurranse wheesh ayns fardail? my te foast ayns fardail.

Have ye suffered so many things in vain? if it be yet in vain.
3 - 5

Eshyn er-y-fa shen ta shirveish yn Spyrryd erriuish, as ta gobbraghey mirrilyn nyn mast' eu, vel eh dy yannoo eh liorish obbraghyn y leigh, ny liorish y clashtyn dy chredjue.

He therefore that ministereth to you the Spirit, and worketh miracles among you, doeth he it by the works of the law, or by the hearing of faith?
3 - 6

Dy feer myr ren Abraham credjal Jee, as va shen er ny choyrt gys e lieh son cairys.

Even as Abraham believed God, and it was accounted to him for righteousness.
3 - 7

Lhig da fys ve eu er-y-fa shen, adsyn ta jeh credjue, t'ad shen myrgeddin cloan Abraham.

Know ye therefore that they which are of faith, the same are the children of Abraham.
3 - 8

As y scriptyr fakin ro-laue dy jinnagh Jee seyrey ny Ashoonee trooid credjue, ren preacheil roish nish yn sushtal gy Abraham, gra, Aynyd's vees dy chooilley ashoon er ny vannaghey.

And the scripture, foreseeing that God would justify the heathen through faith, preached before the gospel unto Abraham, saying, In thee shall all nations be blessed.
3 - 9

Myr shen eisht adsyn ta jeh credjue, t'ad bannit marish Abraham firrinagh.

So then they which be of faith are blessed with faithful Abraham.
3 - 10

Son whilleen as ta jeh obbraghyn y leigh, t'ad fo'n mollaght: son te scruit, Cursit ta dagh unnane nagh vel tannaghtyn ayns dy chooilley nhee ta scruit ayns lioar y leigh dy yannoo ad.

For as many as are of the works of the law are under the curse: for it is written, Cursed is every one that continueth not in all things which are written in the book of the law to do them.
3 - 11

Agh nagh vel dooinney erbee er ny heyrey ayns shilley Yee liorish y leigh, te plain: son, Liorish credjue bee'n dooinney cairal bio.

But that no man is justified by the law in the sight of God, it is evident: for, The just shall live by faith.
3 - 12

As cha vel y leigh jeh credjue: agh, Yn dooinney ta dy chooilleeney ad bee eh bio lioroo.

And the law is not of faith: but, The man that doeth them shall live in them.
3 - 13

Ta Creest er livrey shin veih mollaght y leigh, eh-hene jeant ny vollaght er nyn son: son te scruit, Cursit ta dagh unnane ta croghey er billey:

Christ hath redeemed us from the curse of the law, being made a curse for us: for it is written, Cursed is every one that hangeth on a tree:
3 - 14

Dy voddagh bannaght Abraham cheet er ny Ashoonee trooid Yeesey Creest, dy voddagh shin gialdyn yn Spyrryd y chosney trooid credjue.

That the blessing of Abraham might come on the Gentiles through Jesus Christ; that we might receive the promise of the Spirit through faith.
3 - 15

My vraaraghyn, ta mee loayrt lurg cliaghtey deiney; My te agh conaant eddyr deiney, ny-yeih, my te confirmit, cha vel dooinney erbee dy vrishey, ny dy choyrt huggey.

Brethren, I speak after the manner of men; Though it be but a man's covenant, yet if it be confirmed, no man disannulleth, or addeth thereto.
3 - 16

Nish da Abraham as da e luight va ny gialdynyn jeant. Cha vel eh gra, As da sluightyn, myr jeh ymmodee; agh myr jeh unnane, As da dty luight's, ta shen Creest.

Now to Abraham and his seed were the promises made. He saith not, And to seeds, as of many; but as of one, And to thy seed, which is Christ.
3 - 17

As shoh ta mee gra, yn conaant v'er ny hickyraghey ro-laue liorish Jee ayns Creest, cha voddagh y leigh, va kiare cheead as jeih bleeaney as feed ny lurg shen, y vrishey eh dy yannoo yn gialdyn dyn bree,

And this I say, that the covenant, that was confirmed before of God in Christ, the law, which was four hundred and thirty years after, cannot disannul, that it should make the promise of none effect.
3 - 18

Son my ta'n eiraght liorish y leigh, cha vel eh ny sodjey liorish gialdyn; agh hug Jee eh da Abraham er gialdyn.

For if the inheritance be of the law, it is no more of promise: but God gave it to Abraham by promise.
3 - 19

Cre'n ymmyd eisht t'ayns y leigh? Ve er ny choyrt er coontey peccah, derrey harragh y sluight shen, da va'n gialdyn er ny yannoo; as ve er ny oardaghey liorish ainleyn ayns laue fer va eddyr ad.

Wherefore then serveth the law? It was added because of transgressions, till the seed should come to whom the promise was made; and it was ordained by angels in the hand of a mediator.
3 - 20

Nish cha vel fer ta loayrt eddyr jees loayrt son unnane ny-lomarcan, agh ta Jee unnane.

Now a mediator is not a mediator of one, but God is one.
3 - 21

Vel y leigh eisht noi gialdynyn Yee? Ny lhig eh Jee: son dy beagh leigh er ve er ny livrey, oddagh bea y choyrt, lhisagh cairys dy firrinagh er ny ve liorish y leigh.

Is the law then against the promises of God? God forbid: for if there had been a law given which could have given life, verily righteousness should have been by the law.
3 - 22

Agh ta'n scriptyr er ghoaill stiagh ooilley fo peccah, dy voddagh y gialdyn liorish credjue ayns Yeesey Creest ve er ny choyrt dauesyn ta credjal.

But the scripture hath concluded all under sin, that the promise by faith of Jesus Christ might be given to them that believe.
3 - 23

Agh roish my daink credjue, va shin freilt fo'n leigh, jeight seose gys y chredjue, va ny lurg shen dy v'er ny hoilshaghey.

But before faith came, we were kept under the law, shut up unto the faith which should afterwards be revealed.
3 - 24

Shen-y-fa va'n leigh nyn ver-ynsee dy choyrt lesh shin gys Creest, dy voddagh shin v'er nyn seyrey liorish credjue.

Wherefore the law was our schoolmaster to bring us unto Christ, that we might be justified by faith.
3 - 25

Agh erreish da credjue v'er jeet, cha vel shin ny sodjey fo fer-ynsee.

But after that faith is come, we are no longer under a schoolmaster.
3 - 26

Son ta shiu ooilley cloan Yee liorish credjue ayns Yeesey Creest.

For ye are all the children of God by faith in Christ Jesus.
3 - 27

Sou whilleen jiuish as t'er ny ve bashtit gys Creest, ta shiu coamrit lesh Creest.

For as many of you as have been baptized into Christ have put on Christ.
3 - 28

Cha vel ny sodjey Hew ny Greek, cha vel sharvaant ny seyr, cha vel fyrrynagh ny bwoirrynagh; son ta shiu ooilley unnane ayns Creest Yeesey.

There is neither Jew nor Greek, there is neither bond nor free, there is neither male nor female: for ye are all one in Christ Jesus.
3 - 29

As my she lesh Creest shiu, eisht ta shiu sluight Abraham, as eiraghyn cordail rish y ghialdyn.

And if ye be Christ's, then are ye Abraham's seed, and heirs according to the promise.