Chapters

1 - 1

Paul as Timotheus sharvaantyn Yeesey Creest, gys ooilley ny nooghyn ayns Creest Yeesey, ta ec Philippi, marish ny aspickyn as shirveishee:

Paul and Timotheus, the servants of Jesus Christ, to all the saints in Christ Jesus which are at Philippi, with the bishops and deacons:
1 - 2

Grayse dy row hiu, as shee veih Jee nyn Ayr, as veih'n Chiarn Yeesey Creest.

Grace be unto you, and peace, from God our Father, and from the Lord Jesus Christ.
1 - 3

Ta mee cur booise da my Yee dy chooilley cheayrt ta mee dy imraa shiu,

I thank my God upon every remembrance of you,
1 - 4

Dy kinjagh ayns ooilley my phadjeryn er nyn son eu ooilley, jannoo aghin lesh boggey,

Always in every prayer of mine for you all making request with joy,
1 - 5

Son y co-ayrn eu ayns y sushtal veih'n chied laa gys nish;

For your fellowship in the gospel from the first day until now;
1 - 6

Myr ta shickyrys aym jeh'n eer red shoh, dy der eshyn ta er chur obbyr vie er y hoshiaght ny-vud eu, mullagh er derrey laa Yeesey Creest:

Being confident of this very thing, that he which hath begun a good work in you will perform it until the day of Jesus Christ:
1 - 7

Dy jarroo myr te jesh dooys yn smooinaghtyn shoh y ve aym mychione eu ooilley, er-y-fa dy vel shiu aym ec my chree, ayns wheesh as chammah ayns my gheulaghyn as ayns fendeil as niartaghey yn sushtal, ta shiu ooilley paarteeassyn marym jeh grayse.

Even as it is meet for me to think this of you all, because I have you in my heart; inasmuch as both in my bonds, and in the defence and confirmation of the gospel, ye all are partakers of my grace.
1 - 8

Son Jee my eanish, cre cha jeean as ta mee goaill foddeeaght nyn yei eu ooilley ayns meiyghys Yeesey Creest.

For God is my record, how greatly I long after you all in the bowels of Jesus Christ.
1 - 9

As shoh ta mee guee, dy vod y ghraih eu bishaghey foast ny smoo as ny smoo ayns fysseree, as ayns dy chooilley vriwnys:

And this I pray, that your love may abound yet more and more in knowledge and in all judgment;
1 - 10

Dy vod shiu lowal jeh ny reddyn smoo ooasle, dy vod shiu ve ynrick, as shickyr gys laa Chreest;

That ye may approve things that are excellent; that ye may be sincere and without offence till the day of Christ.
1 - 11

Lhieent lesh ny messyn dy chairys, ta liorish Yeesey Creest, gys gloyr as moylley Yee.

Being filled with the fruits of righteousness, which are by Jesus Christ, unto the glory and praise of God.
1 - 12

Agh baillym shiu dy hoiggal, vraaraghyn, dy vel ny reddyn t'er jeet my raad, er jyndaa magh dy chur y sushtal ny smoo er y hoshiaght:

But I would ye should understand, brethren, that the things which happened unto me have fallen out rather unto the furtherance of the gospel;
1 - 13

Myr shen dy vel my gheulaghyn er coontey Chreest imrait as ooilley plaase y ree, as ayns dy chooilley ynnyd echey;

So that my bonds in Christ are manifest in all the palace, and in all other places;
1 - 14

As ta ymmodee jeh ny braaraghyn ayns y Chiarn, er n'aase dunnal liorish my gheulaghyn's, foddey s'creeoil dy loayrt yn goo fegooish aggle.

And many of the brethren in the Lord, waxing confident by my bonds, are much more bold to speak the word without fear.
1 - 15

Ta paart dy jarroo preacheil Creest trooid eer troo as anvea; as paart myrgeddin trooid aigney-mie.

Some indeed preach Christ even of envy and strife; and some also of good will:
1 - 16

Ta'n derrey yeh preacheil Creest trooid streeu, cha nee dy ynrick, er-chee dy chur trimmid gys my gheulaghyn:

The one preach Christ of contention, not sincerely, supposing to add affliction to my bonds:
1 - 17

Agh y jeh elley trooid graih, myr ta fys oc dy vel mee er my phointeil son fendeilys y tushtal.

But the other of love, knowing that I am set for the defence of the gospel.
1 - 18

Cre eisht? ny-yeih, er dy chooilley aght, edyr eh ve ayns foalsaght, ny ayns firrinys, ta Creest er ny phreacheil; as er y choontey shen ta mee goaill boggey, as dy jarroo nee'm boggey y ghoaill.

What then? notwithstanding, every way, whether in pretence, or in truth, Christ is preached; and I therein do rejoice, yea, and will rejoice.
1 - 19

Son ta fys aym dy jean shoh chyndaa gys my livrey-ys trooid y phadjer euish, as cooney Spyrryd Yeesey Creest,

For I know that this shall turn to my salvation through your prayer, and the supply of the Spirit of Jesus Christ,
1 - 20

Cordail rish my yerkal jeean, as my hreishteil nagh bee nearey orrym ayns nhee erbee, agh lesh dy chooilley ghunnallys, myr dy kinjagh, myr shen nish myrgeddin dy bee Creest er ny ghloyraghey ayns my chorp, edyr eh ve liorish bioys ny baase.

According to my earnest expectation and my hope, that in nothing I shall be ashamed, but that with all boldness, as always, so now also Christ shall be magnified in my body, whether it be by life, or by death.
1 - 21

Son dooys dy ve bio te [son] Creest, as dy gheddyn baase te cosney.

For to me to live is Christ, and to die is gain.
1 - 22

Agh dy ve bio 'syn eill, shoh mess my laboraght: agh foast cre dy reih, cha s'aym.

But if I live in the flesh, this is the fruit of my labour: yet what I shall choose I wot not.
1 - 23

Son ta mee ayns chennid eddyr jees aggindagh dy gholl roym, as dy ve marish Creest, ta foddey share:

For I am in a strait betwixt two, having a desire to depart, and to be with Christ; which is far better:
1 - 24

Ny-yeih, dy hannaghtyn ayns y challin, te ny s'vondeishee diuish.

Nevertheless to abide in the flesh is more needful for you.
1 - 25

As ayns treishteil shickyr jeh shoh, ta fys aym dy bee'm bio as dy jean-ym tannaghtyn meriuish ooilley, dy choyrt er y hoshiaght nyn moggey as nyn gredjue:

And having this confidence, I know that I shall abide and continue with you all for your furtherance and joy of faith;
1 - 26

Dy vod yn boggey euish ve foddey smoo ayns Creest Yeesey er my hon's, tra hig-ym's hiuish reesht.

That your rejoicing may be more abundant in Jesus Christ for me by my coming to you again.
1 - 27

Erskyn ooilley, lhig da'n ymmyrkey-bea eu ve cordail rish sushtal Chreest: myr shen edyr mee dy heet dy yeeaghyn shin, ny gyn cheet, dy voddym clashtyn jeh nyn stayd, dy vel shiu shassoo shickyr ayns un Spyrryd, lesh un aigney streeu cooidjagh son credjue yn tushtal;

Only let your conversation be as it becometh the gospel of Christ: that whether I come and see you, or else be absent, I may hear of your affairs, that ye stand fast in one spirit, with one mind striving together for the faith of the gospel;
1 - 28

As gyn ve agglit ayns nhee erbee liorish nyn noidyn: yn chooid cheddin ta dauesyn cowrey cronnal dy hoyrt-mow, agh diuish dy haualtys, as shen veih Jee.

And in nothing terrified by your adversaries: which is to them an evident token of perdition, but to you of salvation, and that of God.
1 - 29

Son diuish te er ny choyrt ass lieh Chreest, cha nee ny-lomarcan dy chredjal ayn, agh myrgeddin dy hurranse er y ghraih echey

For unto you it is given in the behalf of Christ, not only to believe on him, but also to suffer for his sake;
1 - 30

Fakin dy vel shiu hene caggey fo'n seaghyn cheddin honnick shiu mish ayn, as nish clashtyn dy vel mee ayn.

Having the same conflict which ye saw in me, and now hear to be in me.