• Home
• Search
• Browse

Chapters

Prev Next

• 24 - 1
  As haink eh gy-kione, erreish da Saul v'er jyndaa veih geiyrt er ny Philistinee, dy row eh er ny insh da Saul, gra, Cur-my-ner, ta David ayns faasagh En-gedi.
  And it came to pass, when Saul was returned from following the Philistines, that it was told him, saying, Behold, David is in the wilderness of Engedi.
• 24 - 2
  Eisht ghow Saul three thousaneyn dy gheiney reiht Israel, as hie eh dy gheddyn magh David as e gheiney mastey creggyn ny goair feie.
  Then Saul took three thousand chosen men out of all Israel, and went to seek David and his men upon the rocks of the wild goats.
• 24 - 3
  As myr v'eh goll, haink eh gys bwoailtchyn ny geyrragh, raad va ooig; as hie Saul stiagh dy ghoaill snap dy chadley: as va David as e gheiney cheu-sthie ec kione sodjey stiagh yn ooig.
  And he came to the sheepcotes by the way, where was a cave; and Saul went in to cover his feet: and David and his men remained in the sides of the cave.
• 24 - 4
  As dooyrt deiney Ghavid rish, Jeeagh nish y laa my-e-chione loayr y Chiarn rhyt, Cur-my-ner, nee'm dty noid y livrey gys dty laue, dy yannoo rish myr sailt. Eisht hayrn David er-gerrey, as yiare eh jeh skyrt coamrey Saul gyn-yss da.
  And the men of David said unto him, Behold the day of which the Lord said unto thee, Behold, I will deliver thine enemy into thine hand, that thou mayest do to him as it shall seem good unto thee. Then David arose, and cut off the skirt of Saul's robe privily.
• 24 - 5
  As haink eh gy-kione lurg shen, dy daink arrys er cree Ghavid, dy row eh er yiarey jeh skyrt Saul.
  And it came to pass afterward, that David's heart smote him, because he had cut off Saul's skirt.
• 24 - 6
  As dooyrt eh rish e gheiney, Ny lhig y Chiarn dy jinnins yn red shoh y yannoo rish my vainshtyr, ree ooilit y Chiarn, dy heeyney magh my laue n'oi, fakin dy vel eh fer-ooilit y Chiarn.
  And he said unto his men, The Lord forbid that I should do this thing unto my master, the Lord's anointed, to stretch forth mine hand against him, seeing he is the anointed of the Lord.
• 24 - 7
  Myr shen ren David e gheiney y lhiettal lesh ny goan shoh, as cha nuillaghey eh daue laue y choyrt er Saul. Agh hrog Saul er ass yn ooig, as hie eh er e raad.
  So David stayed his servants with these words, and suffered them not to rise against Saul. But Saul rose up out of the cave, and went on his way.
• 24 - 8
  Lurg shen hrog David er myrgeddin, as hie eh magh ass yn ooig, as dyllee eh lurg Saul, gra, My hiarn yn ree. As tra yeeagh Saul ny yei, chroym David lesh e eddin gys y thalloo, as hug eh ooashley da.
  David also arose afterward, and went out of the cave, and cried after Saul, saying, My lord the king. And when Saul looked behind him, David stooped with his face to the earth, and bowed himself.
• 24 - 9
  As dooyrt David rish Saul, Cre'n-fa t'ou geaishtagh rish goan deiney, gra, Cur-my-ner, ta David shirrey dty assee?
  And David said to Saul, Wherefore hearest thou men's words, saying, Behold, David seeketh thy hurt?
• 24 - 10
  Cur-my-ner, ta dty hooillyn hene nish er vakin kys dy ren y Chiarn uss y livrey yn laa jiu gys my laue ayns yn ooig: as choyrlee paart mee dy dty varroo; agh ren my hooill dty sparail; as dooyrt mee, Cha sheeyn-ym magh my laue noi my hiarn; son t'eh ree ooilit y Chiarn.
  Behold, this day thine eyes have seen how that the Lord had delivered thee to day into mine hand in the cave: and some bade me kill thee: but mine eye spared thee; and I said, I will not put forth mine hand against my lord; for he is the Lord's anointed.
• 24 - 11
  Ny-sodjey, my ayr, jeeagh er shoh, jeeagh eer er skyrt dty choamrey ayns my laue: son liorish dy yiare mee jeh skyrt dty choamrey, as nagh ren mee oo y varroo, foddee oo toiggal as goaill tastey nagh vel olk ny drogh-yannoo ayns my laue, as nagh vel mee er yannoo peccah dt' oi; ny-yeih t'ou shelg son my vioys dy ghoaill eh.
  Moreover, my father, see, yea, see the skirt of thy robe in my hand: for in that I cut off the skirt of thy robe, and killed thee not, know thou and see that there is neither evil nor transgression in mine hand, and I have not sinned against thee; yet thou huntest my soul to take it.
• 24 - 12
  Dy jean y Chiarn briwnys eddyr mish as uss, as lhig da'n Chiarn cooilleeney 'ghoaill ort: agh er my hon's, cha bee my laue ort.
  The Lord judge between me and thee, and the Lord avenge me of thee: but mine hand shall not be upon thee.
• 24 - 13
  Cordail rish raa yn chenndeeaght, Ta olk cheet veih'n olk: agh ort's cha bee my laue.
  As saith the proverb of the ancients, Wickedness proceedeth from the wicked: but mine hand shall not be upon thee.
• 24 - 14
  Quoi ny lurg ta ree Israel er jeet magh? quoi eh t'ou geiyrt er? er moddey marroo, er jargan.
  After whom is the king of Israel come out? after whom dost thou pursue? after a dead dog, after a flea.
• 24 - 15
  Dy bee yn Chiarn er-y-fa shen ny vriw, as dy jean eh briwnys eddyr mish as uss, as fakin, as goaill seose my chooish, as m'y livrey ass dty laue.
  The Lord therefore be judge, and judge between me and thee, and see, and plead my cause, and deliver me out of thine hand.
• 24 - 16
  As haink eh gy-kione, erreish da David v'er loayrt ny goan shoh rish Saul, dy dooyrt Saul, Nee shoh'n choraa ayd's, my vac Ghavid? As hrog Saul seose e choraa as cheayn eh.
  And it came to pass, when David had made an end of speaking these words unto Saul, that Saul said, Is this thy voice, my son David? And Saul lifted up his voice, and wept.
• 24 - 17
  As dooyrt eh rish David, T'ou uss ny s'cairal na ta mish: son t'ou er chooilleeney mie dooys, son yn olk ren mish kiarail dt'oi's.
  And he said to David, Thou art more righteous than I: for thou hast rewarded me good, whereas I have rewarded thee evil.
• 24 - 18
  As t'ou er hoilshaghey dou yn laa shoh kys t'ou er ghellal dy mie rhym; ayns nagh ren oo m'y varroo, tra ren y Chiarn mish y livrey ayns dty laue.
  And thou hast shewed this day how that thou hast dealt well with me: forasmuch as when the Lord had delivered me into thine hand, thou killedst me not.
• 24 - 19
  Son my ta dooinney geddyn e noid jean eh yn raad y lhiggey da? Dy jean y Chiarn er-y-fa shen uss y chooilleeney dy mie son ny t'ou er n'yannoo rhym er y laa shoh.
  For if a man find his enemy, will he let him go well away? wherefore the Lord reward thee good for that thou hast done unto me this day.
• 24 - 20
  As nish cur-my-ner, ta fys aym dy mie, dy bee uss dy jarroo yn ree, as dy bee reeriaght Israel er ny niartaghey ayns dty laue.
  And now, behold, I know well that thou shalt surely be king, and that the kingdom of Israel shall be established in thine hand.
• 24 - 21
  Cur dty vreearrey dou er-y-fa shen liorish y Chiarn, nagh giare oo jeh my luight my yeï, as nagh jean oo my ennym y stroie ass thie m'ayrey.
  Swear now therefore unto me by the Lord, that thou wilt not cut off my seed after me, and that thou wilt not destroy my name out of my father's house.
• 24 - 22
  As hug David e vreearrey da Saul. As hie Saul roish gys e hie: agh hie David as e gheiney seose gys nyn ynnydyn lajer dy hauchys.
  And David sware unto Saul. And Saul went home; but David and his men gat them up unto the hold.

© Culture Vannin